پاکستان سول ایوارڈ 2025
تعارف
شاعرہ+سوشل ورک

زیرو سے ہیرو کا سفر

جہاں آراء تبسم
بلوچستان کے گھٹے ہوئے ماحول کا سامنا کرتے ہوئے ہمت، محنت، جوش و جذبے، مثبت سوچ و فکر اور نیک نیتی سےزیرو سے ہیرو بننے کا اعزاز رکھتی ہیں
کم عمری کی شادی کے سبب اپنے بچوں کی تعلیم و تربیت میں مگن رہنے کے باوجود شادی کے دس سال بعد اپنی تعلیم کا سلسلہ پھر سے بحال کیا اب آپ بی ایڈ کے ساتھ ساتھ ایم اے اردو اور ایم اے آئ آر ہیں
آپ محکمہ ترقیء نسواں حکومت , بلوچستان میں ڈپٹی سیکریٹری کے فرائض سر انجام دے رہی ہیں
آپ تین زبانوں اردو، براہوئی اور سندھی میں شاعری کرتی ہیں آپکی خواتین کے مسائل پر مبنی شاعری خواتین بالخصوص بلوچستان کی خواتین میں مثبت تبدیلی کا باعث ہے آپ کے سات مجموعہ کلام باالترتیب
1۔ اداسی رقص کرتی ہے۔۔2009ء میں شائع ہوئی اور اب تک اس کے چار ایڈیشن چھپ چکے ہیں، ادارہ ثقافت حکومت بلوچستان کی جانب سے سال کا بہترین مجموعہ کلام قرار پایا۔اور تعریفی سند کے ساتھ اعزازیہ اور ایوارڈ سے بھی نوازا گیا۔ اس دور کی تعلیم کی وزیر نے اس مجموعہ کی 100 کاپیاں خرید کر مختلف لائبریریوں کو بھجوائیں۔
2۔ محبت۔ اس مجموعہ کلام کی خصوصیت یہ ہے کہ محبت عنوان پہ تمام نظمیں ایک ہی رات میں کہی گئی ہیں اور ایک ہفتے کے اندر چھاپی گئی اس کتاب کی تقریب رونمائی 14فروری 2011ء میں منعقد کی گئی اور تمام شائع شدہ ”محبت“ کی کتابیں (صوبائی وزیر حکومت بلوچستان) تقریب کے مہمان خصوصی نے خرید کر حاضرین محفل کو تحفتاً پیش کیں۔
3۔ مجھے خطبہ نہیں آتا۔۔ خواتین کے مسائل اور ان کے حقوق پر مبنی موضوعاتی نظموں پر مبنی ہے، 2012ء میں اس کا پہلا ایڈیشن اور 2014ء میں دوسرا ایڈیشن شائع ہوا۔اس مجموعہ کلام کا ترجمہ مختلف بین الاقوامی تنظیموں نے انگریزی میں کتابی صورت میں کیا ہے
4۔ محبت شاعری ہے۔۔ نظموں اور غزلوں پر مبنی اردو مجموعہ کلام۔ اس مجموعہ کو بھی ادارہ نظامت ثقافت حکومت بلوچستان کی جانب سے سال 2014ء کی بہترین کتاب قرار دیتے ہوئے تعریفی سند، ایوارڈ اور اعزازیہ سے نوازا گیا ہے۔
5۔ خواب بنتے رہو۔۔براہوئی نظموں کا اردو منظوم ترجمہ پر مبنی شاعری کی پانچویں کتاب ہے، جو نومبر 2016ء میں شائع ہوئی۔اس مجموعہ کی نظموں میں بلوچستان کی تہذیبی، معاشی ، سماجی اور سیاسی صورتحال کا جائزہ لیا گیا ہے
6۔ “تو میری آخری محبت ہے” نظموں اور غزلوں پر مشتمل مجموعہء کلام
7- “بشخندہ”براہوئی شاعری

2011 میں جہاں آراء تبسم کو حکومت, بلوچستان کی جانب سے امیر محمد امیر ایکسیلینس ایوارڈ سے نوازا گیا
2011 میں قطر ا و ر 2013
میں انڈیا کے بین القوامی مشاعروں میں پاکستان کی نمائندگی کا اعزاز حاصل ہے
دو مرتبہ صدر ,پاکستان کی سربراہی میں منعقدہ مشاعروں میں شرکت کا اعزاز بھی رکھتی ہیں
پاکستان بھر میں کل پاکستان مشاعروں میں شرکت کے علاوہ مختلف ادبی تنظیموں سے اعزازات حاصل کرنا بھی فخر کا باعث رہا ہے
ادب کے شعبے میں گراں قدر خدمات انجام دیتے ہوئے بلوچستان میں کئی آل پاکستان مشاعرے منعقد کرا چکی ہیں۔
شعبہء اردو جامعہء بلوچستان کے طلباء کی طرف سے جہاں آراء تبسم کی شخصیت اور فن پر تحقیقی مقالے برائے ایم فل لکھےجاچکے ہیں
ماہنامہ معلم میں آپ کی شخصیت اور فن پرپاکستان بھر سے شعراء اور ادباء کے لکھئے ہوئے مضامین کو یکجا کر کے جہاں آراء تبسم نمبر شائع کیا گیا۔
آپ کے فن اور شخصیت پر ملک کے نامور شعراء انور شعور، انور مسعود، بریگیڈئر سلیم محمود، عالی سیدی اور دیگر نے منظوم خراج تحسین پیش کیا ہے۔
ایف ایم ریڈیو، ریڈیو پاکستان کوئٹہ اور پاکستان ٹیلی وژن میں بلوچستان کی مقامی زبانوں میں خدمات سرانجام دیتی رہی ہیں۔
وہی خاندان جو انکا مخالف تھا اب اپنی بیٹیوں کو جہاں آراء تبسم کے روپ میں دیکھنا چاہتا ہے